Wednesday 23 November 2011

ನಾನಾಗಬಹುದೇ??!!


ಹಕ್ಕಿಯಂತೆ ಬಾನಲ್ಲಿ ಹಾರಿ
ಚುಕ್ಕಿನ ಮುಟ್ಟಬಹುದೆ?
ಸಮುದ್ರದಾಳಕ್ಕೆ ಈಜಿ
ಕಪ್ಪೆ ಚಿಪ್ಪಲ್ಲಿ ಹುದುಗಬಹುದೇ?

ಕಾನನದ ಹಸಿರೆಲೆಗಳ
ಹಸಿರು ನಾನಾಗಬಹುದೆ?
ಗರಿಬಿಚ್ಚಿ ಕುಣಿಯುವ ನವಿಲ
ನಾಟ್ಯದ ವಯ್ಯಾರ ನಾನಾಗಬಹುದೆ?

ಇಂಪಾಗಿ ಸ್ವರ ಹೊಮ್ಮಿಸುವ
ಕೊಳಲ ದನಿ ನಾನಾಗಬಹುದೆ?
ತಕಧಿಮಿ ತೋಂ ಎಂದು ಕುಣಿವ
ನಾಟ್ಯರಾಣಿಯ ಗೆಜ್ಜೆ ನಾನಾಗಬಹುದೆ?

ಅತ್ತಿಂದಿತ್ತ ಹಾರುವ ಚಿಟ್ಟೆಯ
ರೆಕ್ಕೆಯ ಬಣ್ಣ ನಾನಗಬಹುದೇ?
ಕಣ್ಣ ಕೊಳದಿ ಈಜಾಡುವ
ಬಿಳಿಯ ಮೀನು ನಾನಾಗಬಹುದೆ/

ಪುಟಾಣಿ ಮಗುವಿನ ಹೆಜ್ಜೆಯ
ಒಲಾಟದ ಸೊಗಸು ನಾನಾಗಬಹುದೆ?
ಅದು ನುಡಿವ ತೊದಲು ಮಾತಿನ
ಸವಿ ಸವಿಯಬಹುದೇ?