Thursday 17 October 2013

ಆದ್ರೂ  ಅವನೀಲ್ಲದೆ ಅವಳಿಲ್ಲಾ



                ಮದುವೆಯಾಗಿ ಎರಡು ವರ್ಷವಾದರೂ  ಇನ್ನೂ  ನನ್ನನ್ನು ಅರ್ಥ ಮಾಡ್ಕೊಂದಿಲ್ಲಾ ಯಾವಗ ಅರ್ಥ ಮಾಡ್ಕೋತಿಯೋ ಎಂದು ಒಂದೇ  ಸಮನೆ ರೇಗುತಿದ್ದ. ‘ನೀನು ನನ್ನನೆಸ್ಟು ಅರ್ಥ ಮಾಡ್ಕೊಂಡಿದಿಯಾ?’  ಅಂತಾ ತಿರುಗಿ ಕೇಳಿದವಳ ಕಣ್ಣಲ್ಲೋ ಕಣ್ಣಿರ ಧಾರೆ!                                                                                                                                                                                                                                                                                      
                    ತಾನು  ಅತ್ತರೆ ಗಂಡ ಎದೆಗವಚಿಕೊಂಡು  ಸಮಾಧಾನ ಮಾಡಬೇಕು, ಕಣ್ಣಿರನ್ನು ಒರೆಸಿ, ತನ್ನನ್ನು ತಬ್ಬಿಕೊಳ್ಳಬೇಕು,  ಎಂಬ ಅವಳ ಆಸೆಗೆ  ಮದುವೆಯಾದ ಸ್ವಲ್ಪ ದಿನದಲ್ಲೇ ಮನದಟ್ಟಾಗಿತ್ತು, ಅವನಿಗೋ ಕಣ್ಣಿರನ್ನು ಕಂಡರೆ ಕೆಂಡದಂಥ ಕೋಪ. ತಕ್ಷಣ ಅವಳು ಮುಖ ತೊಳೆದುಕೊಂಡು ಬರಬೇಕು, ಇಲ್ಲಾಂದ್ರೆ ಪುನಃ ಬೈತಾನೆ. ಮುಖ ತೊಳೆಯುವ ನೆಪ ಮಾಡಿಕೊಂಡು ಗಂಟೆಗಟ್ಟಲೆ ಬಾತರೂಮಲ್ಲಿ ಅಳುತ್ತಾ ಕುತಿರ್ತಾಳೆ .                                                                                                    
              ಸಂಜೆ ಆಫೀಸ್ನಿಂದ ಮನೆ ಬಂದ ನಂತರ ಗಂಡನೊಂದಿಗೆ ಹರಟುವ ಕನಸು ಕಂಡವಳಿಗೆ ಕನಸೊಂದೇ ಜೋತೆಯಾಗಿರತ್ತೆ, ಅವನ ದಿನಚರಿಯೇ ಅದು ಬರೋದು ಲೇಟ್ ಆದ್ರೆ ಟೀವಿ ನೋಡೋದು ಇಲ್ಲಾಂದ್ರೆ ಅವನ ಡೆಲ್ ಲಾಪಿ ಅವನಿಗಾಗಿ ಕಾದಿರತ್ತೆ ಅದನ್ನು ನೋಡಿದವಳಿಗೆ ಮೈಯೆಲ್ಲಾ ಉರಿದು ಹೋಗತ್ತೆ,  ಅದಕ್ಕಾಗಿ ಅವಳು ಸಿರಿಯಲ್ಸ್ ನೋಡೋಕೆ ಶುರು ಮಾಡಿದ್ದಾಳೆ , ಇವತ್ತಾಗಿದ್ದು ಅದೇ ಅದಕ್ಕೆ ಈ ಜಗಳ ಹಾಗಂತ ಅವರಿಬ್ಬರಲ್ಲಿ ಪ್ರೀತಿ ಇಲ್ಲಂಥಾ ಅಲ್ಲಾ ಖಂಡಿತಾ ಇದೆ ಬೆಟ್ಟದಷ್ಟು.                                                                                                                                                                    
               ಆದ್ರೆ ಅದರ ಮದ್ಯೆ ಇಗೋ ಬಂದು ನಿಂತಿದೆ . ಅವಳೋ ಭಾವನಾ ಜೀವಿ  ಅವನಿಗೆ ಭಾವನೆಗಳನ್ನು ವ್ಯಕ್ತ ಪಡಿಸೋದು ಗೊತ್ತಿಲ್ಲಾ ಅದೇ ಅವರಿಬ್ಬರ ಪ್ರಾಬ್ಲಮ್ . ಆವಳ ಚಿಕ್ಕ ಪುಟ್ಟ ಸಂತೋಷಗಳಲ್ಲಿ ಅವನೂ ಪಾಲ್ಗೊಳ್ಳಬೇಕು, ಸಣ್ಣದೊಂದು ನೋವಾದರೂ ತಬ್ಬಿ ಸಂತೈಸಬೇಕು, ಮಾತು ಮಾತಿಗೂ ರಮಿಸಬೇಕು, ಕೋಪ ಬಂದಾಗ ಪುಟ್ಟದೊಂದು ಚಾಕಲೇಟ್ ಜೋತೆ ಒಲೈಸಬೇಕು, ರಜಾ ದಿನಗಳಲ್ಲಿ ತನಗೆ ಅಂಟಿಕೊಂಡಿರಬೇಕು, ಇಂತಹ ಅದೇಷ್ಟೋ ಮಿನಿ ಆಸೆಗಳು ಇಡೇರುವ ದಿನಕ್ಕಾಗಿ ಕಾಯುತಿದ್ದಾಳೆ,,  ಚಾತಕ ಪಕ್ಷಿಯಂತೆ... ವೀಕ್ ಎಂಡ್ಗಳಲ್ಲಿ ಗಂಡ ಪಕ್ಕದಲ್ಲಿದ್ರು, ಕಾಡುವ ಒಂಟಿತನ ಯಾವ ಶತ್ರುಗಳಿಗೂ ಬೇಡ ಎಂದುಕೊಳ್ಳುತ್ತಾಳೆ,  ಗಂಡ ಟೀವಿ ನೋಡುತ್ತಿದ್ದರೆ ಪವರ್ ಕಟ್ ಯಾವಾಗ ಮಾಡ್ತಾರೋ ಅಂದುಕೊಳ್ತಾಳೆ, ಅದನ್ನೆಲ್ಲಾ ಅವನಲ್ಲಿ ಹೇಳಿಕೊಂಡಿದ್ದಾಳೆ ಕೂಡ,                                                                                                                                                                                                                                                   
                   ಇಷ್ಟೇಲ್ಲಾ ಆದರೂ ಒಂದೇ ಒಂದು ದಿನ ಅವನನ್ನು ಬಿಟ್ಟೀರಲಾರದಷ್ಟು ಪ್ರೀತಿ “ ಅವನಿಲ್ಲದೇ ಅವಳಿಲ್ಲಾ ’’

 ಅವನೊಬ್ಬ ಪರ್ಫೆಕ್ಟ್ ಗಂಡ ಆದರೆ ಅವನಲ್ಲಿ ಸ್ನೇಹಿತನನ್ನು  ಹುಡುಕುತ್ತಿರುವ ಅವಳ ಹುಡುಕಾಟಕ್ಕೆ ಕೊನೆಯೆಂದೋ???????

2 comments:

  1. ಭಾವುಕ ಬರಹ ಇಷ್ಟವಾಯಿತು..

    ಕನಸುಗಳೆ ಹಾಗೆ ಅವಕ್ಕೆ ತೀರದ ದಾಹ ಬಿಡಲಾಗದ ಮೋಹ ಅಲ್ವಾ??!

    ReplyDelete