ಸಂಗಾತಿಯೆಂದು

ನಿನ್ನ "ಪ್ರಿಯೆ" ಎಂಬ ನುಡಿ 

ಕೇಳಲು ಕಾತರಿಸುತಿದೆ ಮನ 

ನನ್ನ ಮನದ ಭಾವನೆಗಳು 

ನಿನಗರ್ಥವಾಗುತಿಲ್ಲವೇಕೆ!?

 

ನಿನ್ನೆ ರಾತ್ರಿಯ ಕನಸುಗಳು 

ಇಂದು ನನಸಾಗುತಿಲ್ಲವೇಕೆ!!?

ನಿನ್ನ ತೋಳಿನಾಸರೆ ಪಡೆಯುವ 

ಬಯಕೆ ಈಡೇರುವುದೆಂದು ಹೇಳು!!!?

 

ನನ್ನ ನಿಶ್ಚಲವಾದ ಗುರಿಗಳು 

ಬುಡಕಿತ್ತ ಮರದಂತಾದುವೇಕೇ?

ಬೇರು ನೀಡಲಿಲ್ವದಕೆ  ಆಧಾರ!!!?

ನೀನಾ, ನನ್ನ ಕಲ್ಪನೆಯ ವೃಕ್ಷದ ಬೇರು!!!!?

 

ನಿನ್ನ ಅನಿಸಿಕೆಗಳನ್ನು ನನ್ನ 

ಜೊತೆ ಹಂಚಿಕೊಳ್ಳಲಿಲ್ಲವೇಕೆ!?

ನಾ ಬರಿಯ ಸ್ನೇಹಿತೆಯೆಂದೆ!!!!?

ಬಿಚ್ಚಿಡು ಮನವ ನಾ ಸಂಗಾತಿಯೆಂದು.....